IBERIA C.F. 1 - U.D. FOLGUEIRO 0

O Iberia adxudicouse o trofeo do emigrante ó derrotar a UDFolgueiro por un tanto a cero.

O cadro que dirixe Moncho Cabanas lavou a mala imaxe que dera dous días antes no seu torneo, e deu en todo momento a cara ante un equipo de primeira autonómica.

Un gol de Carri a pouco do final deu o partido os de San Miguel.

O III TROFEO CONCELLO DE O VICEDO VIAXA A XOVE

A Unión Deportiva Xove Lago adxudicouse o III Trofeo Concello de O Vicedo e unese ó Viveiro C.F. e C.D. Foz como vencedores deste trofeo.

O cadro local non puido ca lóxica e caeu derrotado nos dous encontros. O primeiro ante o Clube Deportivo As Pontes de rexional preferente, por un resultado de tres a cero.

No segundo partido do torneo entre o equipo de As Pontes e o elenco xovense foi onde se deciciu o vencedor do torneo, despois da igualada a un ó longo dos 45 minutos foi o punto de penalti que levou ó cadro verde á victoria final.

O cadro que dirixe José Manuel tiña que confirmar ese empate gañando a UDFolgueiro polo mesmo marcador que o fixo o cadro pontés, e logrouno nun partido no que o cadro de Boavista estivo moi desdibuxado.

S.D.C. CABREIROS 0 - U.D. FOLGUEIRO 1

A UDFolgueiro impuxose ó Cabreiros por un tanto a cero no partido amistoso celebrado na tarde de onte no campo de a Acea.

O equipo visitante saíu ó terreo de xogo coas ideas moi claras, ben colocado e con moita seriedade defensiva pa intentar plantarlle clara o cadro local que intentaba combinar pero tan só o lograba lonxe da portería de Vitiño.

Os de Moncho Cabanas saíron con Vitiño (Guillermo), Felipe (Fran), Diego, Kubala, Cristian, Pigueiras (Abel), Óscar, Fabián (Pablo), Álex, Pedro e Dani.

O gol do cadro vermello chegou nunha boa combinación entre Pedro e Alex que culminou o primeiro cun gran remate dende fora da área.

U.D. FOLGUEIRO 1 - S.D. BURELA 1

A U.D. Folgueiro conseguiu en empate no seu primeiro partido amigable desta pretempada ante un rival de superior categoría. O encontro foi típico dos amigables veraniegos, moitas imprecisións e falta de ritmo nos dous conxuntos.

A UDFolgueiro formou con Guillermo, Fran, Diego, Kubala, Cristian, Meitín (Felipe), Óscar, Pérez (Didier), Álex, Pedro e Dani.

Nécega adiantou os visitantes no minuto 82, cando un balón despexado pola defensa local lle deu na cabeza e introduxose na portería.

Álex estableceu o empate no minuto 85 cun auténtico golazo que quitou as telarañas da portería defendida po Chochu.

No cadro de Boavista debutaron Meítin, Pérez e Felipe.