De comida en Pol

XORNADA SUSPENDIDA

A Federación Galega de Fútbol suspendeu todos os partidos a celebrar os días 31 de xaneiro e 1 de febreiro.

"Á vista das recomendacións recibidas por parte da Dirección Xeral para o Deporte da Xunta de Galicia e tras realizar as correspondentes consultas coas distintas Direccións Xerais de Protección Civil e o servizo 112, así como as diversas informacións publicadas a través dos distintos medios de comunicación, esta Federación Galega de Fútbol tomou a decisión de suspender todas as competicións previstas para os próximos días 31 de Xaneiro e 1 de Febreiro de ámbito territorial e nacional controladas por esta Federación Territorial, a excepción de a Autonómica Preferente nos seus dous grupos e a Terceira División Nacional, deixando a criterio dos colexiados designados e dos clubs contendentes a súa disputa, conforme ás condicións climatolóxicas existentes, recomendando por parte desta Federación que se adopten as medidas oportunas para garantir o normal desenvolvemento destas competicións. Así mesmo comunicamos que a competición oficial de Primeira Nacional "B" de Fútbol Sala queda suspendida. Oportunamente será comunicado por parte desta Federación Galega de Fútbol, as novas datas para a disputa das xornadas suspendidas. Pola FEDERACIÓN GALEGA DE FÚTBOL "

U.D. FOLGUEIRO 3 - S.D. RIOAVESO 1

A Unión Deportiva Folgueiro comeza con bo pé os seus partidos coma locatario nesta segunda volta da competición. Neste envite, o cadro dirixido por Ramón Cabanas impuxose con toda xustiza a Sociedade Deportiva Rioaveso por un marcador de tres goles a un.

O elenco vermello fixose co control do xogo dende o primeiro minuto, nun partido no que o cadro visitante saíu o campo sen a convinción necesaria para afrontar un encontro de liga, e incluso infravalorando a calidade -pouca ou moita, saberase o final de liga- do conxunto titular do campo.

Só a falta de puntería fixo que o equipo de O Vicedo non se adiantara no marcador antes do tempo de lecer, nun período no que o Rioaveso apenas se acercou pola portería defendida por Guillermo.

Pero, nada máis comenzar a segunda metade, na primeira xogada de ataque, os locais darían o primeiro aviso de gol. Este chegaría nunha xogada combinatiba do ataque local que Pigueiras acertaría a enviar as mallas. Pouco despois, Álex a saída dun córner establecía de cabeza o dous a cero, e con este tanto subía a oito a súa marca de goles no presente exercicio. O terceiro gol, chegaría despois dun lanzamento de Pedro que a defensa non acertou a despexar e o coiro rematou na rede despois de tocar en Pigueiras. Xa nos últimos minutos, Manolo de falta directa marcaría o gol do conxunto vilalbés.

S.D. GUITIRIZ 2 - U.D. FOLGUEIRO 1

S.D. GUITIRIZ: 2 Yago, Iván Ansede, César, Diego Ferreiro, Iván Labrada, Mauro, Iván Cruz, Josito, David Fernández, Kiko e Jose. Tamén xogaron Suso, Iván Iñiguez, Miguel e Emilio.

U.D. FOLGUEIRO: 1 Guillermo, Pablo, Diego, Óscar, Cristian, Abel, Dani, Felipe, Pedro, Pigueiras e Orlando. Tamén xogaron Fabián e Kubala.

GOLES: 1-0 min. 21 Jose; 2-0 min. 40 Josito; 2-1 min. 71 Pedro.

ARBITRO: Cabanas Parrado, delegación de Lugo.

A Unión Deportiva Folgueiro estivo cerca de conseguir un resultado positivo na súa visita o dificil campo da Veiga, donde se mediu o lider da categoría.

O encontro comezou con dominio local que buscaba a portería vermella a base de combinacións, mentres que o cadro visitante partía cas liñas xuntas e retrasadas para buscar a contra as súas opcións de ataque.

O primeiro gol local chegou nun ataque pola bande dereita que rematou cun centro que Jose, libre de marca no segundo pau, remataba ó fondo das mallas. O cadro locatario seguía atacando na busca de aumentar o marcador, pero o Folgueiro comezaba a chegar con certo perigo a portería defendida por Iago, cun remate de Felipe dende fora da área e nunha xogada moi protestada polo bando visitante por un posible penalti sobre Pigueiras.

A pouco de rematar a primeira metade, e despois dun saque de esquina a favor do conxunto de Cabanas, o Guitiriz montou unha contra que remataba no segundo gol transformado por Josito. Chegaríase ó descanso co resultado de 2 goles a cero.

Na segunda metade o cadro de O Vicedo adiantou máis as liñas para intentar reducir a desventaxa. O equipo local dispoñía de máis espazos e chegaba con moito perigo a portería defendida por Guillermo. Pablo no rechace dunha falta estivo a punto de marcar o primeiro, pero este non chegou ata que mediada a segunda parte o conseguira Pedro cun forte lanzamento dende fora da área. O empate puido chegar cun remate de cabeza de Pigueiras que o meta local envíou a córner nunha gran parada. A S.D. Guitiriz puido deixar sentenciado o encontro nunha das moitas contras que tivo e incluso, nun penalti marrado por César no tempo de desconto, pero o marcador non se movería.

A crónica de sdguitiriz.com:

O SD Guitiriz vence 2-1 o Folgueiro
O SD Guitiriz comezou a segunda volta con unha nova victoria, nesta ocasión por 2-1 sobre o UD Folgueiro. O estado do terreo de xogo compricou moito a circulación do mesmo, a pesar disto a primeira metade rematou con 2-0 grazas os goles de Jose e Josito, e so a magnifica actuación do porteiro visitante Guillermo impediu que o encontro quedara xa sentenciado.Na segunda metade Guillermo volveu ser o protagonista o desbaratar numerosas ocasións de gol do SD Guitiriz incluído unha pena máxima. Un gol mediada a segunda metade do Folgueiro creou certa incertidumbre polo corto do resultado aínda que as ocasión seguiron sendo do SD Guitiriz.Alineación: Yago, Iván Ansede, César, Diego Ferreiro, Iván Labrada, Mauro, Iván Cruz, Josito, David Fernández, Kiko e Jose. Tamen xogaron Suso, Iván Iñiguez, Miguel e Emilio.