MONDOÑEDO C.F. 1 - 1 U.D. FOLGUEIRO

Domingo, 7 de decembro de 2008. Municipal Viñas da Veiga (Mondoñedo).
Arbitro: Francisco García
Goles: 1-0 min 60 Jacobo; 1-1 min 89 Pedro.
Crónica: Un gol no último minuto do encontro deu un punto a Unión Deportiva Folgueiro na súa visita o campo mindoniense de Viñas da Veiga.

O encontro empezou con dominio parexo, con dous conxuntos que se preocupaban máis de defender que de atacar. A primeira ocasión clara do choque foi do celeste Borja, que despois de quedarse só diante de Guillermo, este sacou o seu remate co pé. O conxunto de Moncho Cabanas acercouse en dous saques de esquina que Dani cerrou o primeiro pao e que ámbolos dous foron sacados polo meta Roberto con apuros. Mentres o cadro da cidade episcopal só se acercaba en balóns colgados ó area que en ningún momento poñían en apuros á defensa capitaneada por Óscar e Cristian, o cadro vermello saía en perigosas contras buscando a velocidade de Catanha. Noutro saque de falta lateral por medio de Dani, Pedro remataba de chilena alto despois de recoller o despexe da zaga local. Máis tarde, Orlando facía traballar a Roberto nun libre directo dende a frontal da área.

Xa no segundo período, o cadro de O Vicedo iríase en busca dos tres puntos adiantando as posicións das súas liñas, pero os quince minutos deste acto, despois dunha pérdida no centro do campo, Jacobo colleu a desfensa descolocada e despois de regatear a Cristian poñía o balón nas redes para adiantar o seu equipo no marcador. Despois do gol, o cadro mindoniense atrasou as súas liñas para defender a renta e así poder saír a contra. O Folgueiro máis que nunca buscou o gol, e puido conseguilo en sendas ocasións de Catanha, do xuvenil Luis -que debutaba co cadro vermello- despois dun barullo no área, nun remate de tacón de Pedro a saída dun saque de esquina e mesmo nunha volea de Cristián que o meta local non foi quen de atallar e saíu a escasos centímetros do poste. En pleno acoso o área local, os membros do conxunto foráneo, reclamaron un claro penalti sobre Álex que o colexiado non sinalou.

E xa cando o tempo tocaba o seu fin, no enésimo balón colgado o área, o porteiro local deixou o esférico morto para que Pedro subira o empate o marcador, e con el permitía que o seu equipo siga avantaxando nun punto o cadro titular do campo.

U.D. FOLGUEIRO 2 - 1 C.D. GOIRIZ

Partido correspondente á xornada 12, Campo de Boavista. Comezo ás 16.15 do domingo 30 de novembro, tarde moi fría.

Na primeira metade do partido, o cadro local, consciente do valor dos tres puntos que estaban en xogo, saíu con gañas de poñer o resultado ó seu favor antes do remate deste período.

A primeira ocasión clara foi obra de Catanha, nunha xogada individual, que provocou a súa entrada na área e que rematou cunha parada do porteiro, cando Álex estaba só para empuxar o esférico as mallas da rede visitante. A seguinte oportunidade fabricouna Dani, que driblou pola súa banda esquerda e tirou á portería ca súa perna menos boa tendo o porteiro rival dificultades para atallar o balón, acabando este nos pés de Álex e obrigou ó meta a facer unha boa parada logo de recoller o rexeite. Por outro lado, o Goiriz quería pero non podía fabricar claras ocasións de gol xa que o mediocampo local estaba moi ben situado no terreo de xogo. Cando transcurría o minuto 32 desta primeira metade, Orlando que recibiu un pase de Álex, sacou un disparo na área que rexeitou nun defensa e o mesmo dianteiro que protagonizara a acción empurrrou o esférico para lograr o 1-0, con este tanto, Álex anotaba o seu sexto tanto esta tempada. Desta forma acabarían os primeiros 45 minutos, sen apenas ocasións polo bando visitante e clara posesión do conxunto local.

Na segunda metade, o Goiriz parecía que saia a por algo máis, xa que nada mais comezar tiveron unha ocasión que atallou Guillermo sen problemas. Os poucos minutos, o conxunto vermello protagonizou unha xogada colectiva que rematou cun remate a rentes da portería chairega. Nesta seguna parte o xogo foi un ir e vir noa dous campos, aínda que as ocasións máis claras tivoas o Folgueiro tanto a balón parado como xogada dinámica.

O encontro resultaría afectado por unha decisión do árbitro de expulsar a un xogador visitante mediada esta segunda parte. A partir de ahí o partido rompeuse dando ocasións ós dous bandos pero o Folgueiro conseguíu tomar máis vantaxe no marcador nunha xogada na que Álex deu o pase da morte a Catanha deixándoo só diante do porteiro, éste rematou a xogada cun magnífico lanzamento pegado ó pao, sendo imposible de atallar para o gardamallas do Goiriz. Co resultado a favor e xogando na casa, o Folgueiro non soubo templar o encontro dándolle oportunidades ós rivais que aproveitaron nunha falta ó borde da área e que non deu atallado o porteiro local, quedando o balón morto para que un xogador do equipo visitante lograra o seu único gol.

Ca saída ó campo de Fabián, Kubala e o debutante Brais, o Folgueiro tomou ás rendas do partido e dispuxo de ocasións para sentenciar o encontro. O marcador xa non se movería, e no minuto 94 o árbitro daba por rematado o partido.