MOLO SERÁ O ADESTRADOR

Na tarde de onte a Unión Deportiva Folgueiro e Xosé Ramón González López, conocido futbolísticamete co nome de Molo, firmaron o acordo polo cal este se convirte no responsable técnico do equipo na vindeira tempada.

Molo, que a tempada pasada comezou adestrando o Muras, ten un amplo historial de éxitos en todos os equipos nos que estivo como poden ser o ascenso co San Ciprián a Primeira Autonómica e a consecución da Copa Deputación, o dobre ascenso o Alfoz, ó que levou dende Segunda Autonómica ata Preferente; tamén cambiou de categoría co Iberia C.F. levandoo dende a Primeira ata Preferente; ou o seu último ascenso co Viveiro CF Xuvenil a Liga Galega. Tamén conseguiu unha Copa Deputación na súa estancia no Santaballés.

Con esta fichaxe o clube quere buscar a consolidación na categoría.

CEA BAILE FIN DE TEMPADA

DÍA 13 DE XUÑO

A Unión Deportiva Folgueiro celebrará a cea de fin de tempada o vindeiro sábado 13 de xuño as dez e media da noite no Chiringuito da Abrela.

O menú estará composto por:

• Percebes
• Cigalas
• Mexilóns
• Ameixas
• Tenreira asada
• Postre
• Café
• Rioxa tinto
• Albariño

A cea estará amenizada polo grupo de moda na zona, INTERVALO, que conta nas súas filas co alcalde de O Vicedo, Jesús Novo.

O PRECIO POR PERSOA É DE 33 €

A reserva de entradas rematará o venres 12 de xuño as 20 horas, as mesmas podénse retirar no Bar Alba, Bar Rogelio, Chiringuito da Abrela ou en calquera membro da xunta directiva.

Para máis información, podénse dirixir o teléfono 696 843 741.

FIN DE CURSO

A U.D. Folgueiro caeu derrotada por 1 gol a 3 no encontro de cuartos de final da Copa Deputación disputado o pasado domingo no Campo de Boavista. O cadro local non estivo a altura dos últimos choques e deu demasiadas ventaxas a un equipo que tiña as cousas moi claras na forma de afrontar o partido.

O Alfoz colleu unha ventaxa de dous goles antes do descanso, con tantos de Hugo e Quesada en propia meta; xa na segunda metade o cadro vermello intentou dar a volta o marcador pero máis con corazón que cabeza, ainda así Óscar á saída dun córner poñía o 1-2 no marcador que enchía os últimos minutos de emoción; antes do desconto o cadro local dispuxo de varias opcións para empatar o encontro pero o gol que subiría o marcador foi o de Borja, que no desconto do partido sentenciaba co 1-3 definitivo.