A U.D. FOLGUEIRO DISFRAZASE DE XOGUETE UNHA SEMANA ANTES DO ENTROIDO

C.D. ALFOZ 5 - U.D. FOLGUEIRO 2

"O peor partido do ano", "Así non podemos sair a un campo", "hai que olvidalo canto antes",...; son frases que se oían entre os xogadores ó remate do encontro disputado no Campo Municipal de Alfoz, e que resumen o transcurrir do xogo.

Pois si, o encontro de Alfoz quizá fose o peor do ano, pero xuntaronse moitas circunstacias, ademáis da falta de actitude, ó cadro local saíalle todo o que intentaba e incluso en moitas accións dispoñía de elevadas dosis de fortuna.

O choque iniciouse cun cadro vermello intentando combinar, pero sin as ideas claras nos últimos metros o que producía moitas perdas de balón no medio do campo que orixinaban perigosas contras. E nunha delas, a defensa visitante tivo que facer unha falta no borde da área que orixinaba o primeiro gol local, a falta era sacada por Adolfo e despois de que a barreira cambiara totalmente a traxectoría do coiro este entraría na meta defendida por Guillemo.

Pouco despois chegaría o empate nun córner sacado por Dani e que Pigueiras remataba de cabeza as mallas. Non tardaría moito o cadro alfocense en poñese por diante, noutra contra Dani Río quedabase só diante de Guillermo e batíao por baixo. Dous minutos máis tarde, Manolo logo dun saque de esquina subiría o terceiro o marcador. O Folgueiro intentabao, e Brais, titular onte, e Pigueiras tiveron as súas opcións pero o gol non chegou.

Despois do descando, o equipo adestrado por Moncho Cabanas intentaba reducir a desvantaxe adiantando máis as liñas, pero primeiro Hugo, cun auténtico golazo, e despois Manolo poñía un resultado de 5 goles a 1 a falta de media hora para rematar o partido. O Alfoz en perigosas contras puido aumentar o marcador, pero o seguinte gol sería visitante, Cristian establecía o segundo gol visitante despois de recoller o rexeite do poste nunha falta sacada por Pablo.