TRES PUNTOS VITAIS

U.D. FOLGUEIRO: 3

Guillermo, Pablo , Bruno, Pedro, Cristian, Abel, Orlando, Quesada , Álex , Dani e Pigueiras. Tamén tiveron minutos Óscar, Abraham, Diego e Kubala.

S.D.R. SACIDO: 0

Lolo, Senin, Ladra, Fernando, Angel, Félix, Luis, Borja, Rumi, Amador e Sergio. Entraron como cambios Iván, Fran e Adrán.

ARBITRO: Aitor López Chao.

GOLES: 1-0 Pigueiras; 2-0 Dani; 3-0 Álex

A UDFolgueiro conseguiu tres puntos de ouro no derbi diante dun Sacido que poñía fin a unha magnífica racha de resultados. O encotro estivo marcado polas malas condicións meteorolóxicas que fixeron que o campo de Boavista acumulase moitísima auga na súa superficie.

O cadro local saíu moi metido no partido e dende o pitido inicial foi polo partido. Un saque de banda de Bruno peinado por Álex no primeiro pao chegou a cabeza de Pigueiras que puxo o 1-0 no marcador. O equipo visitante protestou moito o gol por unha posible falta de Álex á hora de peinar o coiro, pero tamén decir, que dende o primeiro minuto protestaron todo o que pitaba o colexiado.

Os vermellos estaban ben colocados no campo e saían con perigo, así nunha subida de Pablo pola banda dereita o balón chegou a Dani para establecer o segundo gol.

Tralo descanso a tónica do partido foi a mesma, un Sacido que o intentaba pero non podía sobrepasar unha magnífica defensa local. Así nunha contra, Álex volvía a ver porta despois de varias xornadas e estableceu o 3-0 definitivo.

Dende estas liñas, a UDFolgueiro quere mostrar o seu máis sentido pésame ó adestrador do Sacido, Manolito, polo finamento da súa nai.

HAT-TRICK DE BORJA ANTES DA SESTA

UDFolgueiro vence o Abadín por 3 goles a 1 no partido disputado na tarde do domingo no campo de Boavista, que por certo a pesar da baixas temperatras presentou unha aceptable presenza de afeccioados.

A película do partido xa a describe o titular na nova, xa que o cadro local xa tiña no seu marcador os tres goles os dez minutos de partido, e os tres marcados polo mesmo xogador, Borja, que neste partido se mostrou moi eficaz e nas tres primeiras ocasións das que dispuxo enviounas as redes da porta defendida por Marcos.

O conxunto vermello saíu con gañas de sentenzar o encontro nos primeiros minutos e conseguíuno o que non conquistou foi o obxectivo de incrementar a renta de goles nos minutos restantes, todo o contrario xa que a partir de ahí o cadro visitante dispuxo de varias e claras ocasións de marcar, pero unhas veces Martín e outras a falla de acerto dos dianteiros foráneos fixeron que so sumaran un gol no seu casilleiro.

A pesar da deixadez do cadro local, este dispuxo de varias ocasión para incrementar a renta, pero máis ben pola debilidade do contrario que por impulsos propios.

O Folgueiro formou con Martín, Hugo, Abraham, Pablo, Pedro, Fabían, Orlando, Borja, Dani (Diego) e Didier (Fran)

O seguinte partido será outro mundo, no que os nosos se xogarán algo máis que tres puntos ante un rival directo por lotar polos postos cabeceiros da táboa clasificatoria. Para esta visita recuperamos a Álex, Abel e Cristian; Dani que xa dispuxo duns minutos no último encontro tamén tratará de estar ó 100% para este complicado choque. Kubala seguirá ultimando a súa recuperación e Pablo será baixa por sanción, a non ser que a acta nos poida ser fallada polo comité.

ÁLEX NON FALTA A SÚA CITA CO GOL

Álex marcou no campo de San Lorenzo de Aguiar contra o Matela o seu décimo gol do presente campeonato. Os seus goles están sendo decisivos para que o cadro que dirixe Quesada se manteña nos postos altos da clasificación. O xogador de Celeiro estará polo menos quince días sen sumar dianas debido a xornada de descanso da vindeira semana á que lle sumara outra xornada máis por ter que cumplir o seu primeiro ciclo de cartóns amarelos. Este xogador xa foi seguido o ano pasado por clubes de superior categoría, pero a súa incompatibilidade co traballo e o seu alto grado de compromiso ca camiseta vermella fan que os aficionados do Full podan disfrutar cada domingo do bo facer deste futbolista.

Nas dez xornada que van de competición só se quedou sin marcar en tres partidos (Momán, Candelaria e Cazás), fixo por partida doble contra o Codesido, Terras do Miño e San Ciprián; e anotoulle outro "chicharriño" a Sacido, Catro Roldas, Castroverde e Matela.

Esperemos que siga a súa racha goleadora, que unido o gran traballo defensivo que está a facer todo o equipo (cinco goles encaixados en dez xornadas), serán claves para competir cos equipos que se queren manter nos postos altos da clasificación.