AUSENCIA DE GOLES

U.D. FOLGUEIRO 0 - 0 PARGA F.C.

ANÁLISE DO RIVAL: PARGA F.C.

O vindeiro rival que visitará o campo de Boavista para medirse a Unión Deportiva Folgueiro será o Parga Fútbol Club, equipo pertencente o Concello de Guitiriz e que actualmente ocupa a decimoterceira posición con 21 puntos.

Este conxunto guitiricense saía a principios da tempada co obxetivo de estar nos primeiros postos da clasificación, pero un cúmulo de circunstacias a principio da liga, entre as que destacan as lesións e as sancións, fixeron que este conxunto se quedara estancado nas últimas posicións, e incluso o adestrador que comezou este exercicio, Epi, deixara o posto nas mans de Paulo César. Co novo adestrador, chegou algún fichaxe e, unido a recuperación de lesionados fixo que o cadro que viste tamén de vermello fora escalando posicións chegando a sair dos postos de descenso.

Na actualidade, ocupa a decimoterceira posición con 21 puntos, a tan só 5 do Folgueiro, o que fai do partido do vindeiro sábado unha auténtica final.

NOME: Parga Fútbol Club

CAMPO: Noreña Basanta

EQUIPACIÓN: Camiseta e medias vermellas, pantalón azul

WEB: http://www.pargafutbolclub.es.tl/
DATOS DE INTERESE: Nos últimos días perdeu a un dos seus mellores xogadores, Diego, que fichou polo Sporting Sada de Preferente Autonómica. Leva dúas victorias a domicilio(Cospeito 1 - Parga 3 e Guitiriz 0 - Parga 1) e outros tantos empates (Goiriz 1 - Parga 1 e Pol 1 - Parga 1).

ÚLTIMOS PARTIDOS A DOMICILIO

RESULTADOS TEMPADA 08-09

O QUE MAL EMPEZA...

S.D. CERVO SARGADELOS 4 - 1 U.D. FOLGUEIRO

S.D. CERVO: Ratoeira, Bili, Simón, Trigo, Diego, Raúl, Carlos, Marcos, Cayón, Gayol e Paco. Tamén xogaron Marcos Quelle, Pedro Reimunde, Jairo e Alfonso.

U.D. FOLGUEIRO: Guillermo, Fabián, Kubala, Óscar, Pablo, Pedro, Brais, Dani, Álex, Pigueiras e Catanha. Tamen dispuxeron de minutos Luis e Fran.

Arbitro: Jesús Martín Flores.

Goles: 1-0 Gayol; 2-0 Carlos; 2-1 Álex; 3-1 Carlos; 4-1 Alfonso.

Un desofortunado comezo de partido marcou o desenrrolo do choque desputado polo cadro de Boavista na súa visita o campo cervense da Bidueira. Un gol de penalti de Iván Gayol no primeiro minuto e outro de Carlos cando transcurrío o quinto poñían o partido moi costa arriba.

A este inicio seguía outro tramo de desconcerto no cadro visitante, motivados pola avalancha de ataques locais, o desconcerto polo díficil do resultado e a lesión de Pablo, que obrigou a Moncho a trastocar o esquema.

Pouco a pouco, os vermellos ían asentandose no campo e nun ataque, Pigueiras entra no área co balón controlado e un defensa local faille penalti, Álex encargaríase do lanzamento e subía o tanto visitante o marcador. Xa transcurridos uns minutos, Gayol recibe un balón no medio do campo e pon un pase medido a Carlos que encara a Guillermo e eleva o coiro por encima deste para subir o terceiro tanto o marcador. Con este resultado chegaríase o descanso.

No segundo tempo, o cadro vicedense saíu a recortar distancias, adiantou as súas liñas e encerrou o cadro azulón no seu campo na busca do segundo gol deixando moitos espacios en defensa que permitían perigosas contras do cadro local. E nunha destas contras, Alfonso poñía o 4-1 definitivo no tempo de desconto.